ERCP ta para pa: Endoscopische Retrograde Cholangiopancreatografie (ERCP). Esaki ta un procedura endoscopico cu ta hasi diagnosis y tratamento di malesa nan di e pancreas, tubo di gal y galblaas. Pa cu e procedura aki nos ta usa un slang flexible pa drenta via e boka te na e tripa chikito. Den e tripa chikito nos por traha cu e canal di gal.

ERCP por wordo ehecuta pa e siguiente motibonan.

Piedra di gal den e canal pafo di bo Higra. Hasiendo un ERCP nos por diagnostica y kita piedranan cu ta pega den e canal di e e gal. Tratamento di strictura of lekmento di gal Nos por trata un strictura den e canal di gal. Sea cu un tumor ta comprimi e canal di gal of inflamashon. Tin biaha un strictura of lekmento di gal cu por bini despues di ciruhia. Pancreas Nos por hasi ERCP pa evalua malestar nan di e pancreas. Intervenshon Durante e procedura nos por pone manera un stent den e canal pa wante habri. Nos por cambia stent si ta necesario.

Preparashon

1. Mester ta na ayuno, no tuma desayuno.

2. Si ta usa remedi, discuti esaki cu nos.

3. Informa nos si bo persona tin allergia, si bo ta na estado of tin otro puntonan importante pa nos.

Unidad di endoscopia E ERCP nos ta hasi den un sala special na hospital. Nos ta duna semper un sedante/verdoving pa pasa e slang. E slang lo wordo poni net bou di e entrada di e tubo di gal. Nos lo usa X-ray pa guia nos durante e procedura y tambe nos lo usa contraste pa wak e canal di gal mas detalla.

Risico y Complikashon Un ERCP ta un procedura safe, pero toch invasivo. Esaki ta e siguiente complikashon cu por sosode: 1. Inflamashon di pancreas. 2. Sangramento door cu nos ta usa technika quirorgico pa habri e kanal.

3. Infekshon di e canal di gal.

4. Perforashon di e tripa chikito of tubo di gal.

5. Reakshon allergico pa un di e remedinan. 6. Problema di respirashon y curason door di e sedante.

Despues Un ERCP ta un procedura safe, pero toch invasivo. Esaki ta importante pa tene na kuenta despues di e test. Hopi biaha bo persona lo wordo adimit na hospital y tin biaha por bay kas. Korda cu door di e sedante no por core auto of hasi algo cu ta rekeri hopi coordinashon. Semper keda serka di un hende como acompayante. Si hanja cualkier simptoma lo mester laga nos sa. Si ta pafo di orario di trabou esaki mester bay via sala di emergencia.