Video Capsula Endoscopia Un video capsula por yuda detecta malestar den e tripa chikito. Por ehempel, si bo tin un anemia y e causa no ta den bo stoma of tripa grandi. Tambe e capsula por yuda monitor malestar inflammatorio di bo tripa chikito y busca un causa di dolor di bariga. Bo dokter cu a pidi e capsula lo informabo tocante e indicacion y risico di e procedura. https://static.wixstatic.com/media/187cbc_ea723e45424d4697a4f10b4e58e938dc~mv2.jpg Dowload e folder cu e aanvraag:

✓ Bisti paña comodo y di dos pida (manera un carson cu t-shirt). ✓ No hunta crema of lotion riba e cupra. ✓ Mester prepara e tripa cu purgashi. ✓ Bin cu un acompañante Download e folder cu e aanvraag aki:

1. Un faha lo wordo bisti rond di bo bariga/heup. E faha lo contene un sensor y datarecorder. 2. Bo ta guli e capsula cu un glas di awa. Por bay cas y sigui cu bo rutina, pero mester keda bebe awa cada 1 ora y no mag di come. 3. Asina cu bo guli e capsula, nos ta keda monitor su localidad for di e clinica. 4. Despues di 2 ora por bebe liquido claro y despues di 4 ora por come algo ligero. 5. Despues cu e procedura wordo finaliza mester bin bek e clinica pa nos kita e aparato y bo por come normal bek.

1. E capsula lo sali for di bo curpa via e ruta normal den bo af. Bo no mester warda e capsula, e por wordo geflushed. 2. Keda observa bo af, keda alerta si e capsula a sali den e ontlasting. 3. Si bo haya dolor di bariga, nausea of sacamento, tuma contacto directamente cu nos oficina. 4. Den e caso raro cu e capsula keda pega y e no por sali for di bo curpa via e ruta normal, nos lo mester examina e situacion pa determina cua tratamento ta necesario.

• Si bo ta na estado. • Si bo tin problemanan existente di tripa, manera un pasahe slow. • Si bo a opera bo tripa chikito of bo tin problema manera vernauwing den bo tripa. Consulta cu Dr. Franca. • Si bo tin vernauwing den bo slokdarm. • Si bo tin un pacemaker/defibrillator of otro aparato electromedico, tin biaha no ta posibel pa haci e test. Consulta cu Dr. Franca.