Question 1

Kiko ta un Gastroscopia of Colonoscopia?

Accepted Answer

Gastroscopie
Test di esofago, stoma y duodeno, caminda e specialista ta introduci un slang flexiblel cu camera y lus via e boca pa por wak paden di esofago, stoma y duodeno. E test no ta hasi dolor pero si e por ta un tiki incomfortabel. E enfermera/dokter lo anestecia e garganta cu un spray. Cen algun caso ta duna sedante (algo pa relaha) durante e test. E procedura ta dura mas of menos 5 minuut. E patient ta drumi riba banda robes y lo hanja u renchi pa morde riba dje den boca pa asina proteha e djentenan y nos aparato. Algun biaha dokter ta tuma un biopsia (un pida muestra chikito di e stoma), kita un poliep of stop un sangramento.

Colonoscopia
Cu e metodo di colonoscopia e dokter por examina e parti paden di bo endeldarm, tripa grandi y un parti chikito di e tripa chikito (dunne darm). Ta conduci e investigacion aki cu un instrumento visual: endoscopia. E endoscopia ta un slang flexibel, cu ta mas o menos mitar di e interseccion di un dede. E dokter ta schuif e endoscopia den e tripa via bo anus. Na e punta di e slang tin un lampi chikito y un camara. E lampi ta percura pa e dokter por mira e parti paden di e tripa bon. Por mira e imagennan cu e camara ta capta riba e pantaya. E imagennan aki por keda warda. Door di esaki, e dokter por mira e imagennan trankilamente despues di e examen. Di cada examen, ta traha tambe un relato por escrito. Cu un colonoscopia e dokter por detecta practicamente tur abnormalidad intestinal. Un colonoscopia ta un examen interno. Esaki tin bentaha y desbentaha. Un bentaha importante di colonoscopia ta cu e dokter por haci intervencion chikito di biaha. P’esey, den hopi caso colonoscopia ta e forma di examen di prome escogencia.

Download e folder na:
Papiamento
Hulandes

Question 2

Pakiko hasi un gastroscopia y colonoscopia?

Accepted Answer

Gastroscopia
Un gastroscopia ta un examen cu ta dura 5 minuut na unda nos por examina bo pipa di guli, stoma y comienso di tripa chikito. E 
test ta bon pa hasi pa personanan cu simptoma di stoma, zuur, hinchamento, bahamento di peso, sakamento cronico, sakamento di sanger.

Colonoscopia
Un colonoscopia ta un examen haci regularmente na Aruba. E examen ta duna hopi informacion tocante e causa di e sintomanan intestinal. Cu un colonoscopia e dokter por detecta adnormalidad den e tripa grandi, manera infeccion, ulcera chikito, sangramento, constriccion, diverticulo (uitstulpingen), poliep y tumor. Akibou ta expone e malesanan mas comun

Importante
✓ Bisti paña comodo y di dos pida (manera un carson cu t-shirt).
✓ No hunta crema of lotion riba e cupra.
✓ Mester prepara e tripa cu purgashi pa Colonoscopia.
✓ Mester bin na yuna pa haci e Gastroscopia.
✓ Bin cu un acompañante

Question 3

Kosnan relevante pa gastroscopia y colonoscopia?

Accepted Answer

Remedinan
Tuma tur bo remedinan receta te cu e dia prome cu e procedura, a menos cu
 bo dokter specialista indica bo lo contrario.
 
Remedi pa hasi sanger fini Acetylsalicylzuur/Clopidrogel/Plavix/Carbasalaatcaclium/Sintrom/Warfarine/Pradaxa/Dabigatran/Apixaban/Eliquis/Xarelto/Rivaroxaban/Ticagrelor/Persantin/ Dipyridamol of otro remedi pa haci bo sanger fini, no stop cu niun remedi.  Consulta cu bo specialista pronme cu bo stop di tuma e remedi cu ta hasi bo sanger fini.

Curason
Riba e dia cu bo ta haci un endoscopia, informa bo dokter spcialista si bo tin problema cu curason, un defibrilator, un pacemaker, klep di curason cambia of zonido den curason.

Tablet di herro
Si bo persona ta tumando tabletnan di hero (ijzer) ta necesario pa stop e  tablet nan aki cinco dia prome cu bo procedura di colonoscopia.

Malesa di Sucu
 Si bo persona ta sufri di sucu ta necesario pa consulta bo dokter specialista pa consehabo over di bo remedinan. No para of cambia na ningun instante bo remedinan di sucu.

CPAP
 Si bo persona ta conosi cu OSAS (slaapapneu) bini cu bo aparato di CPAP..

Question 4

Ki ora no por haci e procedura di gastroscopia y of colonoscopia?

Accepted Answer

Si bo ta na estado.
Si bo tin keintura of dolor agudo.
Si bo no ta desea
Si bo persona no a prepara suficiente.
Si bo tin un pacemaker/defibrillator of otro aparato electromedico, tin biaha no ta posibel pa haci e test. Consulta cu Dr. Franca prome.

Question 5

Despues di gastroscopia y colonoscopia?

Accepted Answer

Actividad nan despues di test
No haci ningun actividad na unda coordinacion y atencion ta rekeri, por  ehempel core auto, bicicleta, traha cu mashin, traha cu aparato electrico, cushina, subi trapi. Si bo causa un accidente den un estado asina, bo lo no ta sigura. 
 
Acompayante
Keda den compania di un otro hende riba e dia di test. Nunca keda bo so.

Decision importante
No tuma decisionnan importante den e prome 24 oranan por ehempel firma contract of cumpra di algo caro.

Alcohol
No tuma bebida alcoholico den e prome 24 oranan.

Simptoma despues di test
 Tuma contacto cu departamento di endoscopia na 5274555 na momento cu bo cuminsa  saca, actua straño of di un of otro manera bo no ta sinti bo curpa mucho bon despues di e test. Despues di orario di oficina tuma contacto cu sala di emergencia na 5274540.

Gastroscopia & Colonoscopia

Duracion

Risico pa Complicacion

Trece Acompañante?

Kiko ta un Gastroscopia of Colonoscopia?

Pakiko hasi un gastroscopia y colonoscopia?

Kosnan relevante pa gastroscopia y colonoscopia?

Ki ora no por haci e procedura di gastroscopia y of colonoscopia?

Despues di gastroscopia y colonoscopia?

Traha un cita