E articulo aki lo describi differente problema di stoma cu bo gulido. Malesa manera reflujo di acido, gastritis y ulcera. Enfermedad di Refluho Gastroesofágico (GERD) Introducion Enfermedad di refluho gastroesofágico, mas konosí komo GERD, ta un condishon caminda acido di stoma ta bai bek den e tubo cu ta conectá bo stòma ku bo garganta (esófago of gulido). E informacion aki ta pa yuda bo comprondé kiko GERD ta i con bo por cuida di bo mes pa controlá esaki. Kiko ta GERD? GERD ta pasa ora e valvula/klep entre bo stòma i esófago/gulido no ta sera bon, lagando acido di stòma bai bek den esófago/gulido. Esaki por causa kimamento y otro sintomanan. Sintomanan di GERD • Ardor/kimamento den pecho (especialmente despues di come). • Sabor acido of amargo den boca. • Dificultad pa pasa cuminda den bo gulido of e gevoel cu e cuminda ta pega. • Dolor den garganta of tos. • Dolor den pecho, especialmente den atardi. Causanan di GERD • Sobrepeso of obesiad. • Ta come hopi cuminda grandi of porcionan grandi. • Ta drumi lihe despues di come of ta come laat den anochi. • Ta come e cumindan ku por stimula refluho (p.e., pikante, vet, cuminda procesa/ultra procesa, halto na suku, coffee, soda, peppermint, chuculati). • Ta bebe hopi alcóhol of cafeína. • Ta fuma tabako. • Embarazo Complicashon • Esofagitis: Inflamashon di esófago/gulido • Strictura esofágico: formacion di cicatriz den esófago/gulido cu por restringí paso di cuminda. • Esofago di Barrett: cambio cu por ta precanseroso den e wand di e esófago/gulido. Tratamento Pa controlá GERD, bo por hasi e sigi cosnan: • Cambia di dieta: Evitá cumindan cu por stimula refluho, kome porcion chikí mas frequente. • Mantené un peso saludable: Pèrdè peso si bo tin sobrepeso. • No drumi inmediatamente despues di come: Warda un rato despues di kome pa bai drumi. Purba come prome cu 7or di anochi. • Alzá/Subi cabes di bo cama: Pa prevení acido di bai bek durante bo ta drumi. • Evita alcóhol i tabaco: E kosnan aki por empeorá sintomanan. Pa sintomanan persistente, bo dokter por recomendá: • Antacidonan: Pa neutralisá acido di stòma. • Inhibidornan di pomp di proton (PPI): Pa reducí producion di acido. Esaki porta por ehemple: nexium, pantoprazol, esomeprazol, omeprazol, lanzoprazol, pariet, rabeprazol. • Blokadornan di receptor H2: Pa reducí acido. • Cirugia: Den caso serio cu medicamento no ta yuda, por ta necesario hasi cirugia. Tin biaha pa importante pa hasi un par di diagnostico: PH-metria, impedantie, manometria. Prevencion • Mantené un peso saludable: Pèrdè peso si bo tin sobrepeso. • Dieta saludable: consumi un dieta balansá i evitá cumindan cu por stimula refluho. • No drumi inmediatamente despues di come: Warda un rato despues di come pa bai drumi. • Evitá alcóhol i tabaco: Mantené bo mes leu for di e substansianan aki pa prevení sintomanan. Conclusion GERD ta un condishon comun ku por causa molèstia si no ta controlá bon. Mantené un dieta saludable i sigui hábito di bida bon por yuda maneha i prevení sintomanan di refluho. Si bo tin algun sintoma persistente, ta importante pa buska conseho médico. Gastritis Introducion Gastritis ta un inflamacion di e mèmbrana/parti paden di bo stòma. E informacion aki ta pa yuda bo comprondé kiko gastritis ta i con bo por cuida di bo mes pa controlá e condishon aki. Kiko ta Gastritis? Gastritis ta un inflamacion di e mèmbrana/parti paden di bo stòma. E por ta algo acuut (termino corto) of algo cronico (termino largo). Sintomanan di Gastritis • Dolor of molestia den e parti ariba di bo bariga. • Sabor acido of amargo den boca. • Nausea of vómito/gana di saka • Sensacion di yenura despues di come un tiki. • Pèrdida di apetito. Causanan di Gastritis • Infeccion ku e bacteria Helicobacter pylori. • Uso prolonga di medicamentu anti-inflamatorio no esteroidal (NSAIDs) manera ibuprofen/diclofenaco/naproxen of aspirin. • Consumí hopi alcóhol. • Hopi stress. • Problema di bo sistema inmunológico (gastritis auto-inmune). Complicacion • Ulceranan péptico/ventriculo: herida di e mucosa.mèmbrana di e stòma. • Sangra di stòma: Ta pasa ora e mèmbrana ta hasi herida. • Anemia: Deficencia di hierro pa motibo di sangramento crónico. • Problema di motilidad di stòma: Den caso raro di gastritis cronico un persona por hanja un stoma cu ta floho y cu problema di movecion. Tratamento Tratamento pa gastritis depende di su causa: • Antibioticonan: Pa trata infeccion di Helicobacter pylori. • Antacidonan: Pa neutralisá acido di stòma. • Inhibidornan di pomp di proton (PPI): Pa reducí producion di acido. Esaki porta por ehemple: nexium, pantoprazol, esomeprazol, omeprazol, lanzoprazol, pariet, rabeprazol. • Blokadornan di receptor H2: Pa reducí acido. • Evitá medicamentonan NSAIDs: Si nan ta e causa di bo sintomanan. Rekomendacion di bida: • Cambio di dieta: Evitá cumindan ku por irritá bo stòmao, manera pikante, alcóhol, i cafeína. • Come porscionnan chikito regularmente: hisa e frequencia di comemento pa mas cu tres bes pa dia. • Mantené un peso saludable: Pa reducí presión riba bo stòma. • Reduci stress: stréss por empeorá gastritis, hasi actividadnan relahante manera meditacion of yoga. Prevencion • Dieta saludable: consumi un dieta balanseá i evitá cumindan cu por irritá bo stòmago. • Moderacion ku alcóhol: Evitá consumi alcóhol den ecseso. • No usa NSAIDs den ecseso: zorg pa no abusá di medicamentonan manera ibuprofen i aspirin. • Mantené un estilo di bida relaha: Pa reducí stress. Conclusion Gastritis ta un inflamacion di e stòma ku por causa dolor i malestar. Ta importante pa sigui un dieta saludable i evitá substansianan cu por irritá bo stòma. Si bo tin sintomanan persistente, ta importante pa buska conseho médico. Ta importane pa realisa cu tin indicacion pa hasi un test di stoma/gastroscopie. Lesa mas

Enfermedad di vet na Higra Introducion Enfermedad di higado graso ta un condishon caminda demasiado grasa/vet ta acumulá den bo higra. E informacion aki ta pa yuda bo comprondé kiko e enfermedad aki ta i con bo por cuida di bo mes pa mantene bo higra gezond. Kiko ta Enfermedad di vet na Higra? Enfermedad di vet na higra ta un situacion/condicion caminda hopi grasa/vet ta acumulá den celula di bo higra. Esaki por cause inflamacion. E dos tipo principalnan ta: 1. Higado Graso no Alcólico (MASLD): Ta pasa den hende ku no ta bebe hopi alkóhol y tin sintoma of problema di sindrome metabolico. 2. Higado Graso Alcólico: Ta pasa den hende ku ta bebe hopi alcohol (>2-3 unidad pa dia) Sintomanan di Enfermedad di vet na higra • Cansamento • Dolor of malestar den e parti ariba di bo barica. • Importante: mayoria di hende no tin ningun sintoma na e comienso di e enfermedad aki. Causanan di Higado Graso no Alcólico (MASLD • Sobrepeso of obesiad. • Diabetes type 2. • Colesterol halto • Hipertencion (prescion halto). • Consumí hopi producto nan procesa y ultra procesa. Por ehempel: cuminda en paki of bleki. Diagnostico: • ultrasonografia • Fibroscan: lesa mas Causanan di Higado Graso Alcólico • Ta bebe hopi alcóhol pa un periodo largo di tempo. Complicashon • Steatohepatitis no alcólico (MASH): Un forma mas serioso ku inflamacion di higra. • Fibrosis: Ora inflamashon ta causa cicatriz den bo higra. • Cirrosis: Un stadio avansa di fibrosis/cicatriz ku por causa malfuncion di bo higra. Tratamento Pa Higado Graso no Alcholico • Dieta saludable: comé mas fruta, berdura, i fibra. Reducí consumcion di productonan procesa, hopi vet y suko. • Baha peso: Si bo tin sobrepeso, pèrdè peso por yuda reducí vet na bo higra/ • Ehercicio regular: Hasi ehercicio regularmente pa yuda cu pèrdèmento di peso i mantené bo higra saludabel. • Medicamento Pa Higado Graso Alcólico: • Stop ku alcóhol: Ta important pa stop completamente cu ta bebemento di alcóhol. Prevencion • Mantené un peso saludable: Pèrdè peso si bo tin sobrepeso. Nos ta duna como conseho pa baha 10% di bo peso actual. • Dieta saludable: consumi un dieta balanseá ku hopi fibra, fruta i berdura. • Ehercicio regularmente: Mantené un rutina di ehercicio fysico. • Limitá alcóhol: si bo ta bebe, hasi esaki den moderacio. Conclusion Enfermedad di vet na higra ta un problema hopi comun na Aruba. Un di a problemanan ta cu hopi biaha un persona no tin sintoma den e comienso, locual ta hasi dificil pa diagnostica na tempo. Un gran mayoria di hende tin vet "simpel" na higra cu no ta duna complicacion. E problema ta cu ora un inflamacion cuminsa den e higra y e bira un higra vet inflamma. Factor nan di riesgo ta obesidad, diabetes, hypertension, malesa di suku. E miho manera pa trata e malesa aki ta trata e factornan metabolico y baha peso. Un dieta saludabel y ehercicio ta juda. Si bo tin algun sintoma of ta preocupa, ta important pa buska conseho médico di bo doctor di Cas of specialista.

Introduccion Diverticulosis i diverticulitis ta dos tipo di problema cu por pasa den bo intestino grandi (colon). E informacion aki ta pa yuda bo comprondé kiko nan ta i con bo por cuida bo mes pa sinti bo mihó. Kiko ta Diverticulosis? Diverticulosis ta un condishon caminda por forma saconan chikito den e muraya di e colon. Mayoria di hende cu tin diverticulosis no tin sintoma. Kiko ta Diverticulitis? Diverticulitis ta ora un of mas di e  saconan chikito nan ta inflama of infecta. Esaki por por causa dolor i problema cu bo intestino. Sintoma di Diverticulosis • Mayoria di hende no tin sintoma. • Algun hende por tin dolor leve den su barica. • Cambio di patronchi di bay af. • Sangramento • Constipashon of diarea Sintoma di Diverticulitis • Dolor porta fuerte, regularmente na e parti abou di bo carika. • Fiebre. • Problema ku e tripa (konstipashon of diarrea). • Nausea of bo por sinti bo kier saka. Causanan • Dieta ku poku fibra. • Ta konsumi hopi kos di harina i produkto di karni. • Falta di ejeisio fisiko. • Aña (mas komun den hende riba 40 aña). • Historia familiar di diverticulosis. Tratamento Pa Diverticulosis: • Dieta: comé hopi fibra (fruta, berdura, grananan integral). • Ehercisio: mantené un rutina di ehercisio fisico. • Awa: Bebe hopi awa tur dia. • Extra fibra: metamucil of movicolon Pa Diverticulitis: • Antibiótico: Docter por recomendá antibiotico pa combati un infeccion si ta necesario. No tur ora antibiotico ta necesario. • Dieta likido: pa e tempo cu bo tin sintoma, ta important pa no forsa bo colon. Bay riba un dieta suave y likido. • Descanso: zorg pa haña sufisiente descanso. Den caso serio, por ta necesario pa admiti un patient pa traha un ct-scan, duna antibiotico riba infuus of hasi cirugia pa kita e parti di e colon ku tin problema. Prevencion • Come bon: consumi hopi fibra pa yuda bo intestino. Prevensi constipacion. • Ehercisio: Mantené bo curpa activo pa bo intestino por traha mihó. • Awa: bebe hopi awa tur dia pa mantene bo tripa cu un bon funcion. Nos ta recomenda bebe sigur 8 glas di awa pa dia. Conclusion Diverticulosis i diverticulitis ta problema di intestino cu por causa dolor i molèstia. Mantené un bida gezond cu hopi ehercisio y un dieta cu hopi fibra. Si bo ta sinti algun sintoma, ta important pa busca atencion médico. Si bo tin algun duda of ta sinti dolor, no duda pa contact bo docter di kas of specialista. Mantene un bida gezond i un dieta balansá por yuda prevení problema cu bo colon.

Kiko ta cancer di Tripa? E tripa ta forma parti di bo dikke darm, cual ta parti di bo sistema digestivo. Cancer di tripa, tambe conoci como cancer di colon, cancer colorectal, of cancer di rectum, ta un enfermedad cu ta causa e celnan den bo colon of rectum pa crece na un manera incontrolabel. Despues di a haci un estudio tocante cancer di tripa na Aruba, a bin na cla cu cancer di tripa ta un di e tiponan di cancer mas comun riba nos isla. Den e ultimo decado, e casonan a aumenta drasticamente y nos ta mira cada bes casonan nobo di pashent mas jong. A wordo descubri cu e percentahe di casonan na Aruba en relacion cu nos populacion ta hopi halto ora nos compara nos mes cu mayoria otro pais. Factornan di Riesgo? Bo riesgo di cancer di tripa ta aumenta cu edad.​ Enfermedad inflamatorio intestinal, manera e enfermedad di Crohn's of colitis ulceroso. Un historia den famia di cancer di tripa of polipo colorectal. Un sindroma genetico manera poliposis adenomatosa familiar (FAP) of cancer di tripa hereditario sin poliposis (sindroma di Lynch). FACTORNAN DI ESTILO DI BIDA CU POR CONTRIBUI NA E RIESGO DI CANCER DI TRIPA: Falta di actividad fisico regular. Un dieet cu poco fruta y berdura. Un dieet cu poco fibra y hopi vet, of un dieet cu ta inclui hopi carni procesa. Sobrepeso of obesidad. Consumpcion di alcohol. Uzo di tobaco. Cual ta e sintomanan? Un cambio persistente den bo custumbernan di bay af, incluyendo diarea, bariga sera ('constipation'), of un cambio den e consistencia di bo af. Sangramento rectal of sanger den bo af. Incomodidadnan abdominal persistente manera calamber, gas of dolor. E sensacion ora a caba di bay af cu e af no a sali completamente. Debilidad of cansancio. Bahamento di peso inespera. Ki estadio nos conose di cancer di tripa? Estadio 1: E tumor a extende for di e capa interna pero ta permanece den e colon. Estadio 2: E cancer a crece pafo di e colon pero no a extende pa e 'lymph nodes'. Estadio 3: E cancer a crece pafo di e colon y a extende pa e 'lymph nodes' Estadio 4: E cancer a extende pa otro partinan di bo curpa mandera bo higra of pulmon. Cual diagnostico nos por hasi pa detecta cancer di tripa? Colonoscopia CT-scan Ultrasonografia Test di af pa wak si tin rastro si sanger Con cancer di tripa por wordo trata? Tratamento ta depende di estadio, edad y condicion. Ta distingui tratamento curativo y palliativo Operacion pa kita un pida tripa of higra of pulmon Kimoterapia via infuus of tablet Radioterapia si ta cancer di e recto/endeldarm   Pa mas informacion bishita www.fundacioncoresa.com